طريقة تخطي مشكلة حقوق الطبع و النشر ورفع الفيديوهات بدون مخالفات من يويتوب

هلا بكم فى موقعكم تش فور تك شكرا اعزائي
يا عم ده رافع الاهداف شاشة كاملة ومشغل عليها اعلانا وخارب
 الدنيا ده اكيد ساحر او ابن خاله شغال في يوتيوب :D
اكتر سؤال اتهري فيه في يوتيوب وتسمع فيه احلي فتي حول العالم.
ازاي ارفع اهداف الدوريات العالمية واحقق منها دخل ؟!
تابعو الفيدي
---
بص من الاخر هتسمع كلام كتير عن طرق لرفع الاهداف معظمها بلا جدوي ومنها طرق تأتي بثمارها بس الاكيد اللي لازم تحطه في دماغك ان انت هتقع هتقع ( ياما راح زيك واشطر منك كانو عاملين ميت راجل في بعض ) ولنا في ميديا كورة واهداف حصرية وغيرها وغيرها من القنوات اللي فشخت الواقع عبرة مفيش حد هيسد للأخر .. خلينا متفقين علي الحته دي ونقطة ومن اول السطر.
أنك تتخطي حقوق فيديو سواء كورة او غير كورة ابسط ما يمكن .. انك تضحك علي روبوت او نظام ده مش صعب لان اللي مصنعه انسان ووراد فيه نسبة الخطأ ووراد فيه نقاط ضعف زيه زي الانسان اللي مصنعة فأنك تضحك علي نظام المطابقات الآلية بتاع يوتيوب ده اسهل ما يمكن وده هنشرحه بعد شوية.

التحدي هنا مش في انك تعدي حقوق الفيديو وخلاص التحدي هنا انك تفلت من الموظفين بتوع الشركات اللي معاها حقوق الدوريات العالمية وعاوز اقولك نقطة هتبقي صعبة عليك بس معلش بقي كلنا بتصدم في حاجات كتير (بين سبورت - BeinSport) ليس لها ناقة ولا جمل في ادارة حقوق الدوريات العالمية علي جميع المنصات الالكترونية بمعني ان عمر قناة بين سبورت ما هيجيلك منها مطابقة ولا مخالفة علي فيديو هدف انت واخده من قناتها لان ببساطة دي مهمة اتحاد الكرة بتاع الدوري اللي انت واخده ومش اختصاص بين سبورت ولا سكاي سبورت ولا غيرها من القنوات القنوات دي منتفعة وواخد حقوق البث وهي اصلا متعرفش ترفع مباريات ولا اهداف علي قنواتها علي يوتيوب ولا غير يوتيوب ولا اي منصة علي الانترنت .. دي نقطة لازم تبقي فاهمها انك تشيل لوجو القناة ده مش عامل يخليك تعدي الحقوق لان اصلا القناة مش مهمتها تتبع المحتوي ده لان صاحبه اللي بايعهلها المحتوي موجود علي وش الدنيا.
ده بقي بيفسر نقطة مهمة جداً واللي ناس كتير كانت بتهري فيها ازاي بيرفع الاهداف شاشة كاملة وحاطط لوجو بين سبورت! عادي زي ما وضحتلك مش فارق لوجو بين سبورت من غيرها والدليل ان كتير بيرفعو باللوجو والدنيا ماشية والدليل التاني ان عمر ما حد فيكم من اللي اشتغل في الاهداف جاله مطابقة من قناة بين سبورت او اي قناة غيرها.

يبقي اللي هيقفشك من قناة بين سبورت ولا غيرها من القنوات عدوك في المصلحة دي اتنين اول عدو هو صاحب الحق الحصري في مباريات الدوري كذا او الدوري كذا اللي هي غالبا بتكون اتحادات الكورة اللي مسؤلة عن الدوري او لو دوري ابطال اوروبا بتكون الاتحاد الاوربي يويفا والعدو التاني يوتيوب.
ودول مفيش مفر منهم لانهم مبيهزروش ولو حتي عديت الحقوق ورفعت زي ما هوضحلك الطريقة مش هتفلت من الموظفين اللي قاعدين في مكاتب اتحادات الكورة بيقبضو مرتب عشان يقفشو اي حد بيرفع حاجتهم يدوياً لذلك تلاقي القنوات الكبيرة اللي بترفع الاهداف اخرها في الهدف يوم او اتنين وتلاقيه اتمسح من علي القناة بيعمل منه الفلوس الحلوة في اول يوم او يومين ويمسحه عشان المراجعة اليديوية هتجيبه هتجيبه .. والعدو التاني يوتيوب مش بيتدخل في مسائل حقوق الطبع والنشر نهائي بس بيتدخل لما يلاقيك عامل ارباح معدية الـ 2000 دولار وساعتها هيراجع قناتك وهتققفل يعني هتتقفل بدون مخالفات حتي لان قناتك مخالفة والمبرر السبب التافهة ان قناتك تنتهك سياسات وبنود الخدمة ملاذك الوحيد في الحته دي انك تكون مع بارتنر خارجي غير ادسنس ولو مش مع بارتنر يبقي احترم نفسك ومتطمعش في مكسب اكتر من 1000 دولار في الشهر.

طيب يا سيدي نورنا وادخل في المهم ازاي نرفع الاهداف والملخصات ونحقق عليها دخل.
بصو في اكتر من طريقة بس انا هقول علي الطريقة الاشهر والأكثر فاعليه واستخداماً من عتلاوة المجال .. وكلو لأجل عيونكم
طبعاً دي الحتة اللي مفيش حد من اللي شغالين اهداف عايزني اقولها لانها هتخرب المجال عليهم مع انها في منتهي التفاهة والسهولة وهلاقي ناس ع الجروب عارفها كمان ده غير ان هي واضحه ولو اي حد ركز مع القنوات اللي بترفع هيفهمها وهي طايرة.
صحصح بقي معايا وركز هو الحوار تافهة بس ركز بردو
هندي مثال علي هدف
"وليكن في ماتش لماشستر وليفربول"
ايمري كان قطع الكورة من بول بوجبا من علي حدود منطقة جزاء ليفربول كان يلعب الكورة سريعاً في وسط الملعب لـ كوتينهو كوتينهو في ثرو رائع يكسر التسلل ويلعب كورة لصلاح في انفراد وهوبا صلاح يسجل.
خلي السيناريو ده في دماغك!

لحد هنا ده الهدف وانت معاك فيديو الهدف وانت دلوقتي علي برنامج المونتاج لحد لما الكورة تطلع من رجل صلاح تدخل الجون هنا تقف وقفه.
طبعاً بعد ما الهدف بيجي في شوية حاجات بتحصل مخرج الماتش بيعملها وهي هي في كل الدوريات اولاً احتفال اللاعب مع زمايله بالهدف وبعد كده يبتدي المخرج يعرض اعادة الهدف من اكتر من زاوية واكتر من كاميرا هنا الحته اللي فيها اللعب.
هنعمل ايه بقي ؟!
ببساطة هنلعب في ترتيب الحاجات دي! .. ازاي هقولك.
احنا اتفقنا اننا علي برنامج المونتاج ووقفنا اول ما الكورة دخلت الشبكة والمفروض ان بعد كده صلاح يحتفل بالجون لا مش هنخليه يحتفل دلوقتي :D نروح علي برنامج المونتاج الجميل ماسكين الحتت اللي بعد تسجيل الهدف مقسمينها كل اعدة للهدف من زاوية نقطعها لوحدها واحتفال صلاح واللعيبة نقطعة ونشغل الخلاط بقي يا معلم.

بدل ما الجول دخل الشبكة وصلاح يحتفل لا هنحط بعد ما الجول يدخل اعادة الجول علي طول وبعديها نحط الاحتفال وبعديها اعادة تانية من التلت او اربع زوايا للهدف الخلاصة اننا هخربط كله في بعض الاخير نخليه الاول والاول نخليه الاخير واللي في النص نخليه في الاخر وهكذا.
مبروك عليك عديت اي مطابقات آلية او حظر حول العالم او حظر في بعض البلدان وشغل اعلانات علي الفيديو وكفي المؤمنين شر القتال.
بزمتك في ابسط من كده هو ده السر اللي القنوات بترفع بيه الاهداف شاشة كاملة وتحقق عليها دخل وربنا يسامحني بقي :D
---
خليك فاكر ان كل ده ملوش امان وهتقع


اتمنى تكونو فهمت درسنا انهارده كل الي مش فاهمه هتلاقيه في الفيديو

جديد قسم : الربح من اليوتيوب

إرسال تعليق